Спорт Париж Олимпиадасы: Қазақстандықтар ескек есуден ширек финалға өтті
Каноэде 500 метрге ескек есуде қазақстандық төрт спортшы Париж Олимпиадасының іріктеуінде өнер көрсетті
Сергей Емельянов пен Тимур Хайдаров жұбы, Мария Бровкова мен Руфина Искакова жұбы ширек финалда сынға өтті, деп хабарлайды Устинка LIVE тілшісі.
- Париж Олимпиадасында каноэде 500 метрге ескек есуден Ұлттық құрама спортшылары Сергей Емельянов пен Тимур Хайдаров жұбы іріктеуде өз тобында мәреге 5-ші жетіп, жартылай финалға шыға алмады. Уақыт көрсеткіші - 1:45.94 секунд, - деп хабарлады ҚР Туризм және спорт министрлігі.
Енді біздің команда ширек финалда тағы бақ сынап көреді.
Сергей (Токио) мен Тимур (Рио) үшін бұл екінші Олимпиада.
Сондай-ақ Мария Бровкова мен Руфина Искакова жұбы өз тобында 5-орын алды. Олардың уақыт көрсеткіші - 2:00.05 секунд. Енді еліміздің әйелдер құрамасы да ширек финалда тағы жарысады.
Мария мен Руфина үшін бұл алғашқы Олимпиада. Олар лицензияны Токиодағы Азия чемпионатында алған.
