Спорт Бүгін Назым Қызайбай жартылай финалда жұдырықтасады
Назым Қызайбай жартылай финалда қытайлық бұрымды боксшымен қолғап түйістіреді
Франция астанасы Париж қаласында өтіп жатқан Олимпиада ойындарында әйелдер боксынан Назым Қызайбайға қазақ елі үлкен үміт артып отыр, деп хабарлайды Устинка LIVE тілшісі.
Жекпе-жек оңайға соқпайтыны анық. Оның қытайлық қарсыласы Ву Ю Азия ойындарының чемпионы, әлем чемпионы атанған тәжірибелі боксшылардың бірі.
Бұл - Назым Қызайбайдың алғашқы Олимпиадасы. Ол осыған дейін әлем чемпионатында 2 рет топ жарып, 1 рет үздік үштікті түйіндеген. Сондай-ақ Азия чемпионы атанған.
Жекпе-жек 6 тамыздан 7-не қараған түні 01.00-дер шамасында өтеді.
XXXIII Жазғы Олимпия ойындарын Qazaqstan, Qazsport, Хабар, Ел арна және JibekJoly телеарналарынан тікелей эфирде тамашалай аласыздар.