Спорт Нұрбек Оралбай Олимпиада алтыны үшін жұдырықтасады
Боксшымыз Нұрбек Оралбай (80 кг) Париж Олимпиадасының жартылай финалында Кристиан Хавьер Пиналесті (Доминикан) жеңді
Төрешілер есебі: 3-2, деп хабарлайды Устинка LIVE тілшісі ҚР Туризм және спорт министрлігі ақпаратына сүйеніп.
Нұрбек осыған дейін Париж шаршы алаңындарында Мурад Аллахвердиевтен (ширек финал, Әзірбайжан), Каллум Питерстен (1/8 кезең, Аустралия) басым түскен.
Финалдағы қарсыласы әлем чемпионы, Токио Олимпиадасының күміс жүлдегері Олександр Хижняк (Украина) немесе 2 дүркін Олимпиада чемпионы, әлем чемпионы, Панамерика ойындарының 2 дүркін жеңімпазы Арлен Лопес Кардона (Куба) болады.
Айта кетейік, Нұрбек Оралбай - былтыр Ташкентте әлем чемпионы атанған, Азия чемпионатының қола жүлдегері.
Осы орайда айта кеткен жөн, бұрымдылар арасындағы бокста да бір жүлде бұйырғалы тұр. Назым Қызайбай Париж Олимпиадасының жартылай финалына шыққан болатын. 50 келі салмақ дәрежесінде шаршы алаңға шыққан қазақстандық боксшы колумбиялық Ингрит Валенсияны жеңді.
Енді Назым финалға берілер жолдаманы сарапқа салады. Келесі сайыста қытай сплртшысымен кездеседі.