Спорт Қазақстан құрамасы әлем чемпионы атағын иеленді
Нұр-Сұлтан қаласында өткен 2019 жылдың әлем чемпионаты I дивизионында Қазақстан құрамасы таза жеңіске жетті
Шайбалы хоккейден Әлем чемпионатының шешуші ойынында Қазақстан құрамасы Венгрия құрамасын 3:1 (0:0, 1:0, 2:1) есебімен жеңді.
Венгрия біздің құрамаға тегеурінді қарсылық көрсетті. Нәтижесінде бірінші кезеңде екі құрама да бір-бірінің қақпасынан саңылау таба алған жоқ. Ал екінші кезеңнің 24-минутында қазақстандық Никита Михайлис мергендік танытты. Бұдан кейін Венгрия сапынан Иштфан Шофрон ойынның 42-минутында есеп айырмасын қысқартты. Ал 58-минутта қазақстандық Евгений Рымарев гол соқты.
Осылайша біздің құрама Әлем чемпионатының бірінші дивизионының А тобындағы барлық ойында жеңіске жетті. Өз тобында бірінші орын алды. Екінші орын Беларусь құрамасына бұйырды. Дегенмен беларусь жігіттері бүгін Оңтүстік Корея құрамасынан 1:4 есебімен жеңіліп қалды. Ал Словения Латвияны 9:0 есебімен ойсырата жеңді.
Қазақстан хоккейшілері алдымен Словенияны 3:2 есебімен жеңсе, одан кейін Литвадан 3:1 есебімен басым түсті. Үшінші турда Оңтүстік Кореяны 4:1 есебімен жеңді. Ал 4 мамырда Қазақстан құрамасы басты қарсыласы - Беларусьті овертаймда 3:2 есебімен жеңіп кетті.
2020 жылдың әлем чемпионаты Жоғарғы дивизионының додасы 8-24 мамыр аралығында Швецарияның Лозан мен Цюрих қалаларында өтеді.
