Спорт Қазақстандық сәнбике футболдан әлем чемпионына күйеуге шықты
Анна Шарипова мен дортмундтық "Боруссия" футболшысы Андре Шюррле тойларын жасырын өткізген
Жас жұбайлар былтыр желтоқсан айында отау құрған екен, алайда бұл жаңалық енді ғана белгілі болып отыр, деп жазды Sports.kz.
Жас жұбайлар былтыр желтоқсанда Германияда Шюррленің туған қаласында отау құрыпты. Алайда бұл сүйінші хабар халыққа енді ғана жетіп отыр.
Анна Шарипова соңғы айларда сол қолындағы саусағына таққан жүзігін суретін әлеуметтік желіде жиі жариялап жүрген еді, бірақ Германияда әдетте неке сақинасын оң қолға тағады, сол себепті оның күйеуге шыққанын ешкім білмей келген.
Анна Шарипова Қазақстанда дүниеге келген, қазір Берлинде тұрып оқиды әрі модель болып жұмыс істейді. Ал Андре Шюррле – футболдан ұлттық құраманың мүшесі, 2014 жылы әлем чемпионы атанған, сондай-ақ Еуро-2012 және Еуро-2016 турнирлеріне қатысты.
