Спорт Америка азаматы Олимпиада ашылуында Ресей туын көтерген
Жанкүйер бұл қылығын өзінің сүйікті спортшыларын қолдағысы келгендігімен түсіндірген
Кореяның Пхенчхан қаласында өтіп жатқан ХХIII қысқы Олимпиада ойындарының ашылу салтанатында АҚШ-тық жанкүйер трибунадан Ресей туын көтерген, деп хабарлайды РИА Новости сайты шетелдік БАҚ-қа сілтеме жасай отырып.
Филип Вахуда есімді американдық туды Оклендтен еш кедергісіз әкеліп, кейін оны трибунадан көтерген.
- Мен Ресейді қолдағым келеді. Себебі оған Виктор Ан және Антон Шипулин сынды көптеген мықты спортшыларды ойынға жіберуге мүмкіндік берілмеді. Менің ойымша, олар мұнда ойын көрсетуі керек болатын, - деп түсіндірді американдық.