Спорт Қазақстан шаңғышысы халықаралық жарыста қола алды
Италияның Санта-Катерина қаласында өткен халықаралық жарыста қазақстандық спортшы Евгений Величко қола медаль алды
Жарысқа Италия, Франция, Ресей және өзге де елдерден жиналған спортшылар қатысты. Олардың жалпы саны – 95. Ерлер 15 шақырым қашықтыққа жарысты. Алтынды ресейлік Денис Спицов алса, күмісті беларуссиялық Сергей Далидович еншіледі. Евгений Денистен бір минутқа қалып қалса, Сергейден небары 14 секунд қана қалған.
- Жарыс мен үшін қиын болды. Өйткені жарысқа қатысушылардың барлығы халықаралық деңгейде спорт шеберлері. Сондықтан жарыс тартысты өтті. Күмісті еншілеуге аздаған секундтар ғана жетпей қалды, - дейді Евгений.
