ҚР Ауыр атлетика бойынша федерациясы құраманы дисквалификациялауға қатысты пікірін білдірді

Ауыр атлетика бойынша тоғыз команданы жылдық дисквалификациялау басталды. Ол 2008 және 2012 жылдардағы Олимпиада ойындарында антидопингтік заңнаманы үш немесе одан да көп рет бұзған спортшылары бар командаларға қатысты. ҚР Ауыр атлетика бойынша федерациясы құраманы дисквалификациялауға қатысты пікірін білдірді. Бұл шешім қабылданған сәттен бастап Федерация құраманы дисквалификациялаудың допингпен күрес үшін ұтымды шешім емес екендігін ресми мәлімдеген болатын. Осы сұрақты талқылау барысындағы барлық кезеңдерде қазақстандық федерация дисквалификацияны таза спортқа алмастыру үшін қосымша жауапкершілік алуға дайын екендіктерін айтып келген. IWF ұсынысты қабылдап, ҚР жастар құрамасының жазасын жеңілдетілген. Яғни, қазақстандық спортшылар 2018 жылдың 6 мен 18 қазаны аралығында Аргентинада өтетін Жасөспірімдер Олипиадалық ойындарына қатысуға дайындықтарын жалғастырады.