Астаналық спортшы Ашхабадтағы Азия ойындарында күміс жүлдегері атанды
6000 мыңнан астам спортшы және Азия мен Океаниянадағы 65 делегацияның ресми өкілдері ірі спорттық іс-шарада сайысқа түсті. Жарыс 15-27 қыркүйек аралығында 21 спорт түрінен өтті.
Астана қалалық әкімдігінің жоғарғы спорт шеберлігі мектебі спортшысы Жұлдыз Эшимова әйелдер арасындағы күрестен күміс жүлдегер атанды. Жерлесіміз финалда жапондық Yago Yuka -мен кездесті.
Жұлдыз Эшимова Қазақстанның еңбек сіңірген спорт шебері, 2011 жылғы әлем чемпионатының қола жүлдегері, 2017 жылғы Азия чемпионатының күміс жүлдегері, Рио-де-Жанейродағы Олимпиадада астаналық спортшы бесінші орында болды.
Қазақстан Түркменстан астанасында түрлі ойындардан 96 медаль иегері атанып, жалпы есептік көрсеткіш бойынша төртінші орында тұр.