Спорт Флойд Майвезер Конор МакГрегорды оныншы раундта жеңді
Бокстан 12 дүркін әлем чемпионы Флойд Мейвезер-кіші UFC чемпионы ирландық Конор МакГрегорды жеңді
Жекпе-жек Лас-Вегастағы T-Mobile аренасында бірінші орта салмақта, бокс ережесі бойынша өтті, деп хабарлайды vesti.kz сайты.
Жекпе-жек 12 раундқа есептелген, алайда Мевезердің кезекті соққыларынан кейін рефери ұрысты тоқтатып оныншы раундта мәресіне жетті. Кәсіби бокста тәжірибесі жоқ Макгрегорды Флойд техникалық нокаудпен жықты.
Мейвезердің соңғы жекпе-жегі 2015 жылы өтіп, бокстан кеткен еді. Осыған дейін 49 жекпе-жектің барлығын жеңсе, Макгрегормен 50-ші жеңісін толықтырды.
Mirror дерегі бойынша, бұл жекпе-жекті ұйымдастырушылар 600 миллион доллардан астам қаражат алады. Ал боксшылар 100 миллионнан алады.
Следующая →
