Британиялық журнал Марадонаны барлық кездегі үздік футболшы деп тапты

БАҚ-та жарияланғандай ресми түрде әлемдік футболдың шеберлері атанған ойыншылардың тізімі жарияланды. Бірінші орында аргентиналық Диего Марадона тұр.

"Барселона" ФК шабуылшысы Лионель Месси екінші, ал бразилиялық Пелеге үшінші орын бұйырды. Йохан Кройф бұрынғыдай төртінші сатыдан көрінсе, Криштиану Роналду бесінші орынға лайық деп танылды. 22-орынға ресейлік спортшы Лев Яшин жайғасқан.

Айта кетейік, Диего Марадона жеті жыл бойы "Наполи" ФК-да ойнаған. Ол екі мәрте Италия чемпионы атанып, УЕФА кубогі, өз елінің Суперкубогін алған.