Спорт Бобслей қысқы паралимпиадалық ойындар-2022 бағдарламасына енгізілді
Бобслей Бейжіңде өтетін қысқы паралимпиадалық ойындар-2022 бағдарламасына енгізілді. Бұл туралы Халықаралық паралимпиадалық комитеттің ресми сайтында хабарланады
Фото:
total.kz
Бобслейді толық мақұлдау үшін ол жақын екі маусымда бірқатар талаптарға сай болуы керек. Яғни, Әлем кубогінің 6 кезеңі мен әлем чемпионатын өткізу керек. Жарысқа кемінде 12 ел мен 3 аймақ қатысуы керек.
Бобслеймен қатар, бағдарламаға тау шаңғысы, шаңғылы жарыс, следж-хоккей, сноуборд, керлинг пен биатлон кіреді.
Естеріңізге сала кетейік, Паралимпиада ойындары 2022 жылдың 4 және 13 наурызы аралығында Бейжіңде өтеді.
