Риодағы қазақстандық Олимпиада жеңімпаздары 2,2 миллион доллардан астам сыйақы алады

Рио-де-Жанейродағы Олимпиада ойындарындағы жеңісі үшін (алтын белгі) қазақстандық атлеттер, Лондон Ойындарындағыдай 250 мың доллар сыйақы алады. Күміс жүлдегерлер 150 мың америка валютасын, ал қола иегерлері – 75 доллар сыйақы алады. Рио Ойындарында қазақстандық спортшылар барлығы 17 олимпиада медальдарына ие болды, оның ішінде: 3 алтын, 5 күміс және 9 қола. Қарапайым есеп жүргізе отырып, барлығы 2 миллион 175 мың доллар шығатынын көреміз. Мұнымен қоса боксшы Василий Левиттің Қазақстан бокс федерациясынан алатын қаржысы тағы бар. Олимпиадалық күміс медалі үшін мемлекет 150 мың доллар сыйақы табыстайтынына қарамастан, ҚБФ президенті Тимур Құлыбаевтың шешімімен бұл сомаға қосымша 100 мың доллар қосылады, осылайша Левиттің сыйақысы «алтынға» татитын болады.
Қорытынды: 2 миллион 275 мың доллар. Аталмыш Олимпиадада жүлде бөлу рейтингі бойынша Қазақстан үшінші орында. Ал ең жомарт мемлекет ретінде биылғы жылы Әзірбайжан мемлекеті деп танылды, мұнда алтын белгі үшін 510 мың доллар бұйырады. Екінші орында – Тайланд, алтын белгі үшін 314 мың доллар, бірақ бұл соманы олимпиада чемпиондары 20 жыл көлемінде ай сайын алады. Қазақстаннан кейін Филиппин (237 мың доллар) және Өзбекстан (200 мың доллар) елдері. Ресей спортшыларының Олимпиада жеңісіне алатын жүлдесі төмендеп кетті, себебі, бұл елдің сыйақысы ұлттық валютамен берілетіндіктен (4 миллион рубль), доллар эквивалентімен Ресей жүлдеақысы 3 есеге төмендеп кеткен.
АҚШ алтын белгі үшін сыйақысы – 25 мың доллар. Бұл сома 1984 жылдан бері өзгеріссіз келеді. Әрбір қытайлық олимпиада чемпионы 50 мың доллар алады.

Қазақстандық жеңімпаздардың тізімі төмендегідей:

Ниджат Рахимов, ауыр атлетика – 250 мың доллар

Дмитрий Баландин, жүзу – 250 мың доллар

Данияр Елеусінов, бокс – 250 мың доллар

Елдос Сметов, дзюдо – 150 мың доллар

Жазира Жаппарқұл, ауыр атлетика – 150 мың доллар

Василий Левит, боқс – 150+100=250 мың доллар

Әділбек Ниязымбетов, бокс – 150 мың доллар

Гюзель Манюрова, әйелдер күресі – 150 мың доллар

Галбадрах Отгонцэцэг, дзюдо – 75 мың доллар

Фархад Харки, ауыр атлетика – 75 мың доллар

Карина Горичева, ауыр атлетика – 75 мың доллар

Ольга Рыпакова, жеңіл атлетика – 75 мың доллар

Эльмира Сыдықова, әйелдер күресі – 75 мың доллар

Екатерина Ларионова, әйелдер күресі – 75 мың доллар

Иван Дычко, бокс – 75 мың доллар

Дариға Шакимова – 75 мың доллар