АҚШ 124 жылда алғаш рет Бостон марафонын өткізебейді

Бостон марафонының ұйымдастырушылары COVID-19 пандемиясы салдарынан жүгірісті кейінге шегерді.

- Біз қауымдастық, әріптестер, қатысушылар, еріктілер мен жанкүйерлердің денсаулығын сақтауды бірінші орынға қоямыз, - деп мәлімдеді Бостон марафонының атқарушы директоры Том Грилк.

Бостон марафоны 124 жыл ішінде алғаш рет болмай тұр.

Бастапқыда 2020 жылдың 20 сәуірінде өтеді деп жоспарланған, ал кейін оны 14 қыркүйекке шегеру туралы шешім шықты.

Жүгіріске қатысушылардың бастапқы жарнасы өтеледі. Одан өзге кез келген адам марафонның виртуалды нұсқасына қатыса алады. Ол үшін өз бетіңізбен қашықтыққа жүгіріп, оған дәлел ұсынуыңыз керек. Виртуалды марафоннан өткендердің барлығы Бостон марафонының ресми бағдарламасын, қатысушы жейдесін, төсбелгі мен медальға ие болады.

Естеріңізге сала кетейік, 2013 жылы Бостон марафонында террорлық акт орын алып, үш адам қаза болды және 282 адам жараланған.