Қазақстан командасы Оңтүстік Кореядағы Паралимпиада ойындарында алтын иеленді

Бұл жетістік Қазақстанның спорт тарихында мәңгі қалады. Себебі ұлттық құраманың Паралимпиада ойындарына қатысқаннан бергі алғашқы алтын медалі

Спринтер қашықтығынан Қазақстан құрамасының қоржынына шаңғышы Александр Колядин 1,5 шақырымдық классикалық стильдегі қашықтықта өтуден алтын салды. Аяқтау уақыты - 4 минут 19,7 секунд. Күміс жүлде Жапонияның Йошихиро Нитта (көшбасшыдан + 0,8 секунд артта), ал қола медальді канадалық Марк Арендс (+1,1) иеленді.

Қазақстан Президенті Нұрсұлтан Назарбаев Александр Колядинді алтын медалімен құттықтады.

- Бұл үлкен жеңіс миллиондаған қазақстандық жанкүйерлерге қуаныш сыйлап, бүкіл еліміздің мақтанышы болды. Сіздің жеңісіңіз Қазақстан спортының тарихында мәңгілікке қалды және жас ұрпаққа үлгі деп білемін, - деді Мемлекет басшысы.

Нұрсұлтан Назарбаев спортшыға мықты денсаулық, табыс және спортта жаңа жетістіктер әкеле беруін тіледі.

Тақырыптар: Паралимпиада 2018 Олимпийские игры - 2018 Казахстанские паралимпийцы