Дзюдо күресінен облыстық турнир өтті

К. Тохмолдин - Бозанбай аулында дзюдо күресінің негізін қалаушысы, қазір де спорт мектебінде еңбек етуде. 41 жылдық бапкерлік еңбек жолында көптеген облыс, Республика көлемінде, бірнеше дүркін чемпиондар және жүлдегерлерді дайындады. Атап өтсек: жасөспірімдер арасында облыс чемпионы, Қазақстан чемпионы Айтказин Марат, Арынханов Марат; халықаралық дәрежедегі спорт шебері, Әлем кубогінің иегері, Сидней және Атлантада өткен олимпиадаға қатысушы Руслан Сейлханов; екі дүркін Қазақстанның чемпионы, Азияның қола жүлдегері, қазақ күресінен Әлем чемпионы  Талғат Амренов; жастар арасында Қазақстан чемпиондары Бухат Тәуірбек, Бухат Төлеубек, Бухат Құрмет.

  Балалар-жасөспірімдер спорт мектебінің мәліметтеріне сүйенсек, жарысқа Семей, Өскемен қалаларынан, Көкпекті және Үлан аудандарынан спортшылар қатысты. Барлығы 187 спортшы. Жарыстың салтанатты ашылуына ҚР еңбек сіңірген жаттықтырушысы, халықаралық дәрежедегі төреші, Ұлан ауданы бойынша балалар-жасөспірімдер спорт мектебінің директоры М. К. Буденов; Бозанбай ауылының әкімі С.Б. Бузтакпаев; аудандық маслихатының депутаты Н. Тлеужан қатысты. Ұлан ауданының спортшылары алты-1 орын, бес-2 орын, тоғыз-3 орынды иеленді. Жарыс жеңімпаздары мен жүлдегерлері құрметті грамота, медальдар және бағалы сыйлықтармен марапатталды. Жарыс демеушілері К.К. Тохмолдинның шәкірттері болды.