Семсерлесуден Ер Жәнібек батырды еске алуға арналған XIII халықаралық турнир өтуде

Қазақстанның түкпір-түкпірінен, яғни, Алматы облысы, Шығыс Қазақстан облысы және Оңтүстік Қазақстаннан, Алматы, Ақтөбе, Астана қалаларынан келген спортшылар маусым айының 24-іне дейін өзара сайысқа түседі.

90-ға жуық спортшы қатысатын жарыс Халықаралық семсерлесу федерациясының ережесіне сәйкес, әрі ШҚО Дене шынықтыру және спорт басқармасының қолдауымен өткізілуде.

Ұйымдастырушылардың айтуынша, жарыс қатысушыларының дайындығы жоғары деңгейде. Бұған қоса, мұндай шаралар еліміздің әр ауданынан келген спортшылар арасындағы қарым-қатынасты нығайтуда таптырмас мүмкіндік.