Спорт Ольга Рыпакова «Гауһар лигасы» кезеңінде үшінші орын алды
Италияның Рим қаласында жеңіл атлетикадан 2017 жылғы «Гауһар лигасының» төртінші кезеңі өтіп жатыр
9 маусымда әйелдер арасында үш қарғып секіруден жарыстар өтті. Оған қазақстандық жеңілатлетші Ольга Рыпакова да қатысты.
Бірінші орынды 14 метр 84 сантиметр нәтиже көрсеткен венесуэлалық Юлимар Рохас жеңіп алды. Екінші орынға колумбиялық спортшы Катрин Ибаргуэн жайғасты - 14,78. Ал Рыпакованың ең үздік нәтижесі оған үшінші орынды алып келді - 14,64.
Осылайша, аталмыш спортшылар сәйкесінше сегіз, жеті және алты ұпайдан алды.