Спорт Қазақстандық ауыр атлетшілер допинг себебінен жарысқа қатысу құқығынан айырылды
Майя Манеза мен Зульфия Чиншанло екі жылға жарысқа қатысу құқығынан айырылды. Ал Светлана Подобедова сегіз жылға айырылды
Қазақстанның Ауыр атлетика федерациясының ресми сайтында хабарланғандай, Халықаралық ауыр атлетика федерациясы (ХААФ) допинг сынамаларынан тыйым салынған дәрі-дәрмектер анықталған қазақстандық үш ауыр атлетшілерге қатысты санкция қолдану туралы ресми шешім шығарды.
Халықаралық ауыр атлетика федерациясының тәртіптік комиссиясы шешіміне сәйкес Майя Манеза мен Зульфия Чиншанло екі жылға, ал Светлана Подобедова жарысқа қатысу құқығынан айырылды. Дисквалификация Лондонда өткен олимпиада допинг сынамаларының реанализінен талаптардың бұзылуы анықталған сәттен, яғни, 2016 жылдың 26 мамырынан бастап күшіне енеді.
Қазақстан Республикасы Ауыр атлетика федерациясының жәрдемдесуімен спортшылар олимпиадалық емес жетістіктері, титулдары мен марапаттарын сақтап қалды.