Оқиғалар Канар аралдарындағы жанартау жолындағының бәрін жалынға орап жатыр
Ла-Пальма шағын аралының бес мың тұрғыны табиғат апатының салдарынан үйлерін тасиап қашуға мәжбүр болды
Испания еліндегі Кумбре-Вьеха жанартауы оянып, атқылап жатыр. Жергілікті тұрғындар дер кезінде бас сауғалап, қашып үлгерген. Абырой болғанда қаза болғандар мен зардап шеккендер жоқ. The Scotsman берген жариялаған мәліметке сүейенсек, жанартаудан аққан ыстық лава тұрғын адамдардың тұрағына дейін жайылып, көптеген үйлерді отқа ораған.
Кумбре-Вьеха жанартауы 19 қыркүйек күні атқылай бастаған. Ал оның оянуына Африканың солтүстік-батысында болған 4,2 баллдық жер сілкінісінің амплитудасы себеп болған. Ал Ла-Пальма аралдарының өзінде ақырғы екі апта ішінде 642 жер сілікінісі тіркелген.
Әзірге аралдарда қалу тұрғындар үшін қауіпті. Жергілікті билік қашан қайтып оралуға болатынын тап басып айта алмай отыр. Жанартау бірнеше айға дейін ояу жатуы мүмкін.
