Оқиғалар Норвегия жағалауларында круизді кеме апатқа ұшырады
Норвегияның жағасында жүріп келе жатқан Viking Sky круиздік лайнері қозғалтқыштың ақаулығынан жүрісін жоғалтқан, оның бортында 1,3 мың адам болған
Дауыл кезінде лайнердің қозғалтқышының бірі істен шығып, кеме жағалаудан бес шақырым қашықтықта зәкір тастап тұруға тура келді, деп хабарлайды МИР24.
Норвегияның құтқару қызметтері лайнердің жолаушылары мен экипаж мүшелерін эвакуациялауды бастады.
Ауа райының қолайсыздығынан адамдарды кішкентай қайық немесе кемелермен шығарып көшіру мүмкін болмағандықтан, оларды тікұшақтармен көшіруге тура келді. Бірінші болып зардап шеккен сегіз адам эвакуацияланды, оның үшеуі ауыр жарақат алып, ауруханаға жатқызылды.
Экипаждың хабарлауынша, эвакуация бортта үрейсіз өтуде, бұл ретте дауыл да жалғасуда.
Жолаушыларды эвакуациялау түні бойы жүргізілді, кемеден 260-тан астам жолаушы шығарылды, себебі тікұшақтардың сыйымдылығы 10-15 адамнан аспайды.
