Балидегі жанартау атқылауына байланысты 100 мың адам көшіріледі

Көшу аумағы жанартау қыратынан 10 шақырым жерді алатын жерді қамтиды. Бұған дейін көшетін аумақ көлемі 5-8 шақырым болған. Сонымен қатар жанартау күліне байланысты аралда әуежай жабылып қалды. Нәтижесінде аралда 59 мың туристер қалып отыр. Әуежай сейсенбіге дейін жабық болады деген болжам бар. Дегенмен билік өкілдері жағдайды әр алты сағат сайын бақылай отырып, әуежайдың ашылу мүмкіндігін қарауға уәде беріп отыр. Жанартаудан туындаған қауіп максималды деңгейге жеткен. Өткен сенбіде жанартау екінші рет атқылап күл 1,5 шақырым биіктікке көтерілген.