ШҚО-ның төрт ауданында дала өрті өршуде

Облыс бойынша дала өрттері жиілеп кетті. Үржар, Күршім, Аягөз және Тарбағатай аудандарында құрғақ шөп жанып, 500 гектар даланы жалын жалмаған

ШҚО ТЖД хабарлауынша, жергілікті мекендерге қауіп төніп тұрған жоқ. Алайда, жергілікті атқарушы органдар өртті сөндіру үшін жергілікті тұрғындар мен ШҚО ТЖД мамандарының көмегіне жүгінуге мәжбүр болған.

- Өртті сөндіру үшін он өрт сөндіру көлігі, жеке құрамнан 60 адам, жергілікті атқарушы органдарының 60 қызметкері, сондай-ақ, жергілікті тұрғындар жұмылдырылды, - делінген ведомство хабарламасында.

Өрттің себептері - отты абайсыз қолдану, сондай-ақ, бірнеше күн сақталып тұрған ауа температурасының қатты ысуы.