Өскемен қаласында жер үйлерді су басуда

Қазіргі уақытта Үлбі өзені өз арнасынан асып ағып жатқаны белгілі. Бірнеше бөгетті бұзып өтіп Согра ауданымен қатар Гавань ауданына да жайыла бастады. Су Астафьева мен Тимофеева көшелеріне жақындап қалды. «Өскемен Водоканал» және «Өскемен Тәртіп» коммуналды кәсіпорындары су басып кеткен бірнеше тұрғын үй аймағында су сорғыту жұмыстарын жүргізді.

- Қалада жағдай әзірше тұрақты. Бірнеше тұрғын үй аумағына ғана су жеткен. Барлық учаскілерде ТЖБ-ның қызметкерлері мен Жергілікті полицей қызметкерлері бақылау жұмыстарын жүргізуде, - дейді Өскемен қаласы ТЖБ баспасөз қызметі.