Украинада тұмаудың асқынуынан 171 адам қаза тапты

Украинада маусым басынан (2015 жылдың 28 қыркүйегі) 2016 жылдың 31 қаңтарына дейінгі аралықта 3,2 млн адам тұмау ауруымен ауырса, аурудың асқынуынан 171 адам көз жұмды.

«Лобороториялық зерттеулер эпидемиялық маусымның басынан есептегенде 171 адам тұмауды асқындырып, қаза тапқандығын көрсетеді. Олардың ішінде екеуі 17 жасқа толмаған балалар (22-сі «А» вирусты тұмаудан, 2-і «В» сипатындағы тұмаудан және 147-сі «Н1N1» (pdm09) ввирустың тұмауынан көз жұмды )», - деп хабарлады дүйсенбі күні Украина Денсаулық сақтау министрлігінің баспасөз қызметі.

33 жағдай – Одесса облысында, 13 жағдай – Винницк және 12 жағдай –Ривненскиде тіркеліп отыр.

«Медициналық көмекке қаза тапқандардың үштен бір бөлігі ғана уақытылы жүгінді. Жүргізілген зерттеу жұмыстары олардың ешқайсысында тұмаудың алдын алуға арналған егулердің болмағанын көрсетті», - делінген ақпаратта.