Ер адам өз үйінде өртеніп кеткен

Зырян ауданындағы Прибрежный ауылында жер үй өртке оранды. Ас бөлмесіндегі кереуеттен 68 жасар жанып кеткен ер адамның денесі табылды, деп хабарлайды ustinka.kz тілшісі.

Өрттің жалпы ауданы 50 шаршы метрді құрайды. Үйдің төбесі, шатыры, қабырғасы мен терезе жақтаулары қатты зақымданған. Өрт сөндіру жұмыстарына бес сағат кеткен. Орын алған оқиғаның алдын ала нұсқасы – мас күйінде отқа ұқыпсыз қарау.

ШҚО ТЖД хабарлауынша 2016 жылдың басынан өрттен сегіз адам қаза болған.