Оқиғалар Алматыдағы лакты бояулар тұрған қойма өртке оранды
Ауқымды өртті ауыздықтау үшін екі ұшақты жұмылдыру керек болды. Өрт таңғы сағат сегіздер шамасында басталған
Төтенше жағдайлар бойынша департамент хабарлағандай, Қазавиақұтқару ұшақтары мен Алматы қаласының құтқару қызметіне қарасты ұшақтар жұмылдырылды, деп жазды Sputnik Қазақстан сайты.
Ұшақтар 7 рет су шашқан.
Ал қоймада 200 тоннадай лакты бояу бұйымдары сақтаулы тұрған көрінеді.
Алдын ала болжам бойынша, қаза болғандар мен зардап шеккендер жоқ.
Ұшақтардан басқа өртті сөндіру жұмыстарына 27 бірлік техника мен жеке құрамның 67 қызметкері жұмылдырылған.
