Оқиғалар Алматы маңындағы қоқыс тастайтын жерден шыққан өрт сөндірілді
Алматы облысы Қарасай ауданындағы қатты тұрмыстық қалдықтар полигонында (ҚТҚ) тұтану ошақтарының орындарын жабу жұмыстары аяқталды
Бұл туралы Қазақстан ІМ ТЖ комитетінің баспасөз қызметі хабарлады.
- Қоқыс полигонындағы өрт жойылды. От тұтану ошағын төгу және көму жұмыстары аяқталды, - делінген баспасөз қызметінің хабарламасында.
Нәтижесінде, үш күн ішінде су ағызу құрылғылары бар тікұшақтармен 840 текше метр су төгілді, арнайы техникамен көлемі 3 мың текше метр топырақ әкелінді.
Баспасөз қызметінің мәліметінше, тұтану ошағын жоюға 97 бірлік техника мен 148 адам жұмылдырылды.
- Қазіргі уақытта инженерлік техникамен жер үйіндісін қалпына келтіру жұмыстары жүргізілуде, - делінген хабарламада.
Алматы облысы Қарасай ауданындағы ҚТҚ полигонында өрт бейсенбіге қараған түні басталды. Жану алаңы шамамен 1 га құрады. Өрт түтіні Алматының барлық аудандарында сезілді. Бейсенбі күні метеорологтар мегаполис атмосферасында зиянды заттардың ШЖШ-дан асқанын анықтады.
