Оқиғалар Қазақстанда ірі металлургиялық зауыттың газ құбыры өртеніп кетті
Комиссия "АрселорМиттал Теміртау" металлургиялық кешеніндегі газ құбырының өртену себептерін анықтауда.
"АрселорМиттал Теміртау" АҚ металлургиялық зауытының аумағында газ құбырынан шыққан өрт жойылды, деп хабарлайды ҚР ТЖМ Төтенше жағдайлар жөніндегі комитетінің баспасөз қызметі.
- 10 қазанда сағат 19:53 (Астана уақытымен) Қарағанды облысының Теміртау қаласында "АрселорМиттал Теміртау" АҚ аумағында газ құбырының жанып жатқаны туралы хабарлама келіп түсті. Оттегі цехінен конверторға дейін өтетін үш құбырдың (оттегі, азот және қысылған ауа) бұзылуының нәтижесінде конверторлық цехтің қабырғасы бүлініп, газ құбыры бұзылып, жанып кетті, - деп хабарлады Төтенше жағдайлар жөніндегі комитет.