Оқиғалар Қарағандыда жеті шетелдік турист құтқарылды
Қарағандыға келген қырғыз азаматтары өзеннен өтемін деп батып қалған
Терсақан өзенінен өтпек болған көрші елдің азаматтары құмға батып қалған. Азаматтар құтқару қызметіне хабарласқанымен, оларды тек алты сағаттан кейін ғана тапқан.
- Арқалық құтқару қызметіне қоңырау түсіп, құтқару отряды Жезқазған қаласына қарай, Терсақан өзенін бойлап қырғыз нөмірлі Mercedes-Benz Vito көлігіне іздеуге жөнелтілді. Нақты мекенін айта алмады, - дейді ҚР ІІД ТЖК.
Жеті адамның ішінде үш бала болған. Олар медициналық тексерістен өтті.
