Оқиғалар Канадада рэпер бейнебаян түсірілімі кезінде мерт болды
34 жастағы Джон Джеймс Макмюррей түсірілім кезінде ұшақ қанатынан құлап қайтыс болды
Ол әуеде ұшып келе жатқан ұшақтың қанатымен жүріп өту керек болатын. Джон Джеймс Макмюррей қиын нөмірге бірнеше ай бойы дайындалған. Алайда, музыкант ұшақтың қанатына көтерілген кезде, кішкентай Cessna ұшағы тепе-теңдікті сақтай алмай, төмен қарай шүйлігіп түскен.
- Джон ұшақтың қанатын ұстап қалған. Алайда, ол ұшақ қанатын тастап, парашютті қолдануға шешім қабылдағанда, тым кеш болды. Джон Джеймс Макмюррей құлап кетіп, мерт болды, - деді әртістің өкілі.
Ұшқыш кейінірек жерге қонды, ол жарақат алмаған.
Бұған дейін Макмюррей кәсіби шаңғышы болған. Бірақ омыртқа жотасы сынғаннан кейін және табан жарақатынан соң ол спортты тастап, музыкалық мансабын дамытты.
