Оқиғалар Монсеррат Кабалье ауруханаға түсті
Әлемге аты танымал опера әншісі Барселона клиникаларының біріне жеткізілген
Хабарламаға сәйкес, 85 жастағы опера әншінің қуығы сырқаттанып, ауруханаға жеткізілген. Алайда ешқандай отаның қажеті болмаған. Қабыну сәтті басылып, Кабалье ауруханадан шығарылуы мүмкін болатын.
Кабалье 1933 жылы 12 сәуірде дүниеге келген. 1954 жылы Лисео театрының консерваториясын бітірген. 1965 жылы Гаэтано Доницетти операсындағы Лукреции Борджиа партиясын орындағаннан кейін әншінің танымалдылығы артқан. Ал 1970 жылы "Ла Скала" театрында дебют орындайды.
Кабалье өмірінде 80 рөлді орындап, Беллини, Доницетти, Верди опералардың партиясын орындаған.
Монсеррат денсаулығының нашарлауына байланысты соңғы жылдары өнер көрсетпей жүрген болатын. Алайда 2012-2013 жылдары әнші құрметті жасына, алған микроинсульт пен тізе жарақатына қарамастан бүкіл әлемнің бірнеше театрларында өнер көрсеткен.
