Оқиғалар Көкшетау тұрғыны жолдың шетінен граната тауып алды
Саперлар гранатаны жерден алып, көзін жойды
Көкшетау тұрғыны қаланың сыртындағы айналма жолдың шетінен әскери граната тауып алды, деп хабарлайды "Интерфак-Қазақстан" АА.
Жолдан 200 метр алыс жерден табылған жарылғыш граната полиэтилен пакетке оралып жатқан. Көкшетаулық тұрғын бұл маңда металл іздеу құралымен темір іздеп жүрген екен. Күмәнді затты тапқан сәтте, полицияға хабарласқан.
Ақмола облыстық Ішкі істер департаменті биыл осымен екінші рет қауіпті гранатаның табылып отырғанын хабарлады. Бұған дейін Қопа көлінің маңында әскери жаттығу жасағанда қолданылатын граната табылған.
