Оқиғалар Алматыда орналасқан қоймалардағы ірі өрт сөндірілуде
Алдын ала деректер бойынша, ангар типті қоймалардағы өрт 3000 шаршы метрді қамтыған. Оқиға Қазақстанның оңтүстік астанасында орын алған
Өрт аймағында қаланың шұғыл қызметтері жұмыс атқаруда, деп хабарлайды Sputnik Казахстан сайты.
Төтенше жағдайлар департаментінің ұсынған мәліметтері бойынша, өрт туралы хабарлама таңертеңгі сағат 6.03-те түскен. Тілсіз жаумен күреске Алматының өрт сөндіру қызметінің жеке құрамынан 75 адам және 20 бірлік техника жөнелтілген.
Сонымен қатар өртті сөндіруге суағар құрылғысы бар тікұшақ қатыстырылған.
Өрт орнында үйлестіруші штаб құрылған.
