Оқиғалар ШҚО-да толассыз жауған жауыннан төтенше жағдай жарияланды
Аягөз ауданында төтенше жағдай жарияланып, 300-ден аса адам қауіпсіз жерге көшірілді. Ешкім зардап шекпеді
Бүгін толассыз жауған жауын-шашын салдарынан Шығыс өңірінің бірнеше ауданы тәуекел аймағында қалды. Ал Аягөзде төтенше жағдай жарияланды.
Атап айтқанда, Аягөзде 20 үйді су басқан. Құтқарушылар 300-ден аса адамды қауіпсіз жерге көшірген. Адамдардың жартысы туыстарының үйлерінде қалса, қалған жартысы №6 мектеп-интернатына көшірілген. Жергілікті өрт сөндірушілерге облыс орталығындағы өңірлік аэромобильді құтқару отрядының 20 құтқарушысы көмекке шыққан. Адамдар зардап шекпеген. Алайда, үй жануарлары апат құрбаны болған.
- Біз, тіпті, қойларды сыртқа шығарып үлгермедік. Оларды ағыс алып кетті, - дейді Құралай есімді жергілікті тұрғын.
Следующая →