Оқиғалар Тәжікстанда адамдар ұннан уланып қалды
Ұнның ұнтағына бидаймен бірге улы өсімдік гелиотроп араласып кеткен
Таулы Бадаһшан автономиялық облысының 34 тұрғыны ұннан уланып аурухана түсті, деп хабарлайды елдің денсаулық сақтау министрлігі.
- Тағы да 1600 адам медициналық тексеруден өтті. Қазіргі уақытта 12 бала мен 22 ересек ауруханаға жатқызылды. Оның ішінде 23 жастағы аяғы ауыр келіншек бар. Жағдайы ауыр, - дейді денсаулық сақтау министрлігі.
Аудан тұрғындары улы шөп қосылған ұнды өткен жылдың желтоқсан айынан бастап тұтына бастаған. Дәрігерлердің айтуынша, ауру белгілері тек көктемде ғана байқала бастауы мүмкін.