Өрттен аман алып шықты

Өрт сөндіру қызметінің мамандары жер үйге барып, тексеруді жөн көрген. Үйге кіре берісте түтіннің иісі сезілген. Бұл уақытта үй ішінде егде жастағы әйел мен немересі ғана болған екен. Олар өрт шыққанын байқамай қалған көрінеді.

ШҚО ТЖД баспасөз қызметінің ақпараттарына сүйенсек, құтқарушылар үйдегілерді дереу сыртқа шығарып, көмек шақыртқан. Жедел жеткен бригада түтін шығып жатқан шатыр жабындысын ашты. Мұржаның кірпіштері қирай бастағандықтан ағаш құрылымдар тұтанған көрінеді.