Хабаров гимназиясында 100 адам уланып қалды

Зардап шеккендердің барлығында өткір ішек инфекциясы анықталды. Үш бала ауыр халде инфекция бөліміне жатқызылды

Ауруға шалдыққандардың басым бөлігі – оқушылар. Сондай-ақ, олардың ішінде бірнеше гимназия қызметкерлері бар, деп хабарлайды Росбалт сайты.

Ауру орта және жеңіл деңгейде бағаланды.

- Жедел деректер бойынша, ауруға шалдыққандардың тек жетеуі гимназия қызметкерлері, - деп хабарлайды өңірлік тұтынушылықты бақылау қызметі.

Гимназия жұмысы тоқтатылып, дезинфекциялаудың соңғы сатысы жүруде.

Ресейлік тұтынуды бақылау мамандарының айтуынша, гимназияның ас қабылдау блогында ыдыстарды жуу, дезинфекциялау тәртіптері бұзылған.