Оқиғалар Тәжікстанда палауға қосылған дәндеуіштен төрт адам зардап шекті
Қайғылы оқиға Тәжікстанның солтүстігінде орналасқан Соғды облысының әкімшілік орталығы Худжандта орын алды
- 67 жастағы ер адам туыстары мен таныстарын Жаңа жылды тойлауға шақырған. Қонақтарын лайықты түрде қарсы алу үшін ұлттық тағам – палау әзірлеген. Өкінішке орай әдеттегі тұздың (натрий хлориді) орнына палауға селитра (натрий нитраты) қосып жіберген. Оның ас үйде қайдан пайда болғаны да белгісіз.
Кешкі астан соң аспаз бен үш қонақ қаза тапқан. Сол сияқты тағы сегіз адам ауыр деңгейде уланып ауруханаға түскен. Олардың арасында қарт әйел мен кішкентай бала бар.
Облыстық прокуратура тыңайтқыш немесе жарылғыш ретінде қолданылатын заттың асханаға қалай келгенін анықтауда. Қазіргі таңда аталмыш факті бойынша қылмыстық іс ашылды.
