Оқиғалар Францияда Жаңа жыл түнінде мыңнан артық көлік өртелді
Жаңа жыл түні Францияда қоғамдық тәртіп бұзылып, көшеде бассыздық жасағандар ұсталды
Францияның Ішкі істер министрлігі бір түннің ішінде 1031 көліктің өртелгендігін хабарлады.
- Жаңа жыл кезінде тәртіп бұзылды... Мұндай келеңсіздік жыл сайын орын алады. Биыл 1031 көлік өртке оранды. Бұл бұрынғы жылдарға қарағанда аздау. 2012 жылы 1193 көлік, 2013 жылы 1067 көлік өртенсе, былтыр 935 көлік құртылды, - дейді ведомства.
Ал көшеде бассыздық жасаған 510 адам ұсталған. Бұл былтырғы жылмен салыстырғанда көп. Сегіз полицей мен үш әскери қызметкер жарақат алған.
Жаңа жыл түнінде Францияда 140 мың полицей мен жандарм, әскери қызметкер мен өрт сөндіруші, құтқарушылар рейдке тұрып, қоғамдық тәртіпті бақылаған.
