АҚШ-та ұшақ үйге соғылды

Tass.ru сайты The Mercury News газетіне сілтеме жасай отырып хабарлағандай, жеңіл қозғалтқышты ұшақ Рейд-Хиллвью аэродромынан ұшып шыққан. Бортта үш адам отырған. Ұшақ биіктікке көтерілген соң, ұшқыш диспетчерге техникалық олқылықтар туралы хабарлаған. Осыдан кейін, аэродромға қайтып келе жатып, жолаққа дейін жетіп үлгермеген. Нәтижесінде ұшақ Сан-Хосе қаласындағы тұрғын үйге соғылған. Қуанышқа орай, үйде болған он үш тұрғын дін аман. Ұшақтағы екі адам ауыр жарақат алып, ауруханаға жеткізілген. Қазіргі таңда арнайы мамандар болған оқиғаның салдарын анықтауда.