Қостанайда SCAT ұшағына апатты жағдайда қонуға тура келді

Ұшқыш кабинасындағы терезенің ішкі жағы шытынаған соң, бұл ұшақтың ұшуына кедергі келтірген. 23 қазан күні 12.00 кезінде Астана қаласынан ұшқан ұшақ Қостанайдағы аэродромға қонып, жолаушыларды әуежайда қалдырған.

- Ұшақ қонған соң 40 минуттан кейін жолаушыларды жеткізіп салуға қосымша ұшақ жіберілгенімен, ауа-райының бұзылуына байланысты ұшақ ауаға көтіріле алмады, - дейді СКАТ әуе компаниясы.

Дегенмен, жолаушылар екі күн бойы діттеген жеріне жете алмай отыр. Қазанға ұшпақ болған ұшақтарды бес-алты рет кері шегерген.

Ал компания 24 қазан күні сағат 21.00-де әуежайда жолаушылар тіркеуден өтетінін хабарлаған. Алайда жолаушылар ешқандай тіркеудің болмағынан айтып отыр. Жолаушылардың бірі Сергей Петраков ұшақтың ұшуына ауа-райы кедергі емес екендігін айтады.

Оқиғаның мән-жайы әлі анықталуда.