Оқиғалар «АрселорМиттал Теміртау» меткомбинатындағы жарылыстан алты адам зардап шекті
Қарағанды облысындағы «АрселорМиттал Теміртау» АҚ меткомбинатының №1 газ құбырындағы жөндеу жұмыстары барысында газ жарылған.
ТЖ нәтижесінде алты адам зардап шеккен: төртеуі газ цехының, бірі кокс цехының және бірі газдан құтқару қызметінің жұмысшылары. Бұл жайында «Интерфакс-Қазақстан» агенттігі хабарлады.
- Барлығына медициналық көмек көрсетілуде, - дейді баспасөз қызметі.
Үш адам Теміртау қалалық ауруханасында. Қалған үшеуі Қарағандыдағы Мақажанов атындағы облыстық травматология және ортопедия бөліміне жатқызылды.
Аталмыш факті бойынша тергеу жұмыстары жүргізілуде.