Оқиғалар Сомалиде жанкештілердің шабуылынан ондаған әскери қызметкер қаза тапты
Сомалидегі Балад Хаво қаласында «Аш-Шабаб» террористік ұйымының жауынгерлері дүйсенбі күні шабуылға шығып кем дегенде 10 әскери қызметкерді жер жапсандырды
Бұл туралы Рейтер агенттігі хабарлайды.
- Бүгін мина орнатылған автокөліктің жарылысынан ояндық. Көз аша салысымен қантөгіс басталып кетті. 10 солдаттан айрылдық, - дейді Сомали әскерінің өкілі.
Әскери қызметкерлер жергілікті мекеннен жауынгерлерді қуып шыққан. 7 терроршы көз жұмды. «Аш-Шабаб» жауынгерлері әскери базаны, полиция учаскесін және қаланың басым бөлігін жаулап алған. Қаланың сыртында атыс дыбысы әлі де естіледі, - дейді агенттік тұрғындардың сөзін жеткізіп.
«Аш-Шабаб» 2004 жылы Сомали аумағында құрылған радикалды ұйым. 2008 жылдан бастап жанкештілер мен мина орнатылған көліктер арқылы террористік акт ұйымдастырып келеді.
Следующая →