Қарағанды әскери борышын өтеп жүрген жауынгер көз жұмды

Бұл жайында ҚР Ұлттық гвардияның аймақтық «Орталық» қолбасшылық баспасөз қызметі хабарлады.

- Бүгін сағат 07:00-де әскери техникаларға тексеріс басталған еді. «Урал» тіркемесі бар автокөліктің жүргізушісі 22 жастағы Тимур Перметов нұсқауға сәйкес көлікті қол тежеуішке қоя отырып, тіркемені көліктен ажыратқан. Осы уақытта тіркеме аяқ астынан орнынан қозғалып кетіп, қатардағы жауынгерді қысып қалған. Жауынгердің алған жарақаты ауыр болған, - делінген баспасөз мәліметінде.

Әскери қызметкер қалалық ауруханаға жеткізілген.

- Сағат 8:30-да жауынгер есін жия алмай көз жұмды, - делінген тағы да баспасөз хабарламасында.

Қызметтік тергеу жұмыстары басталды.

Отан алдындағы борышын өтеуге аттанған азаматтың жаны жаннатта болсын!