Таразда шенеунік қабылдауындағы азамат өз-өзіне қол жұмсамақ болды

Жамбыл облысының азаматы Еңбек инспекциясы басқармасына келіп, еңбек инспекторларының іс-әрекетіне арызданып, шағым түсірген.

- Оны тыңдаған ешкім болмады. Ал азамат болса, өзіне жұрттың назарын аудару үшін алтыншы қабаттан секірмек болды, - дейді куәгер.

Жоғары қабаттан секірмек болған азаматты басқарма қызметкерлері ұстап қалған. Азамат Ішкі істер департаментіне жеткізіліп, тергеуге алынған.

ҚР ҚК-тің 105-бабы «Өзін-өзі өлтіруге себепші болу» дерегі бойынша қылмыстық іс ашылды.