Оқиғалар Үш адам бір күнде суға батып кетті
Құтқарушылардың айтуынша, оқыс жағдайларға жадықталмаған орында суға түсу себеп болған
Өткен сенбі күні Шығыс Қазақстан облысында бірден үш адам суға батып кетті.
ШААШЖҚ бас құтқарушысы Анатолий Рожковтың айтуынша, Семейдегі Колхозный өзенінде 59 жасар ер адам суға кеткен. Анықталғандай, ол достарымен бірге жабдықталмаған орында суға түсіп жүрген. Дәл осындай себеппен Зырянда да 65 жасар азамат батып кеткен.
Ал Күршім ауданында балық аулап отырған 24 жасар әскери қызметер суға батып кеткен. Оның денесі бүгін ғана табылды.
Айта кетейік, Семей қаласының сүңгуірлері кеше судан тағы бір азаматтың денесін алып шықты. ШҚО ІІД баспасөз қызметінің хабарлауынша, 1936 жылғы ер адамды туыстары 24 шілдеден бастап іздеген. Ал оның денесі Ертістен табылды. Денесінде ешқандай күш қолдану белгілері байқалмайды.
Құтқарушылар азаматтарға жабдықталмаған орында суға түспей, судағы қауіпсіздік ережелерін сақтауды қатаң ескертеді.
