Оқиғалар ШҚО-да суға бес жасар бала суға батып кетті
Қайғылы оқиға сенбі күні Ново-Азовое кентінен 20 км қашықтықтағы жағалауда орын алған
Құтқарушылар баланың суға кеткен денесін Шүлбі су қоймасында бір апта бойы іздеген.
- Іздеу жұмыстары ұзаққа созылып кетті. Куәгерлердің ешкімі баланың нақты қай жерде суға кеткенін айтып бере алмады, - дейді құтқарушылар. - Дене кеше табылды.
Кейін белгілі болғандай, бес жасар бала Шүлбі су қоймасында ата-анасымен бірге демалуға барған. Бала жағалауда ойнап жүрген. Құтқарушылардың айтуынша, 40 жастағы екі мас әйел баланы жүзу матрасына салып жүзбек болған.
- Жел тұрып, матрас төңкерілген. Бір әйел өзі жүзіп жағаға шықса, біреуін өзге жағалауда жүрген ер адам құтқарып алған. Ол азаматтың көмегі болмағанда, біз қазір екі мәйітті бірдей іздейтін едік, - дейді ШӨАЖҚЖ құтқарушылары.
Құтқарушылар тұрғындардан баланы жалғыз қалтырмауын өтініп отыр.
