Оқиғалар Алматыда 12 қабаттық тұрғын үй өртенді
Өртке оранған ғимараттың 60 адамы эвакуацияланды, оның 12-і балалар. Зардап шегушілер жоқ
Казинформ сайты хабарлағандай, өрт туралы хабарлама бүгін сағат 08:57-де түскен.
- Медеу ауданы, Самал 1 шағын ауданындағы 23 үйдің 6 қабатында балкон өртке оранған. Өрт сөндірушілер келгенде қызыл жалын 7-қабаттағы балконды шарпи бастаған. Өрт сөндірушілер тілсіз жауды басқа да балкондарға көшпей тұрғанда ауыздықтап үлгерді. Сондай-ақ, мамандарға өрт өндірумен қатар 60 адамды, оның ішінде 12 баланы қауіпсіз жерге көшіруге тура келді, - деді қалалық ТЖД-ның ресми өкілі Сандуғаш Баймұхамбетова.
Өрттің салдарынан №30, 37 пәтерлер зақым келген.
Айта кету керек, бүгін таңертең Самал-1 шағын ауданындағы 23-үйдің өртке оранғаны туралы хабарлаған болатынбыз.
