Оқиғалар Португалияда 2 мыңға жуық өрт сөндіруші тілсіз жаумен алысуда
Португалияның орталық бөлігінде екі мыңға жуық өрт сөндіруші тідсіз жаумен күресуге жұмылдырылды. Бұл туралы «Публику» басылымы хабарлады
Лейри, Коимбри, Каштелу-Бранку және Браганс аймақтары өртке оранды. Негізгі құрам Лиссабоннан 190 шақырым жердегі Педроган-Гранди елді мекенінде жұмыс істеуде. Ол жердегі өрт 17 маусым күні тұтанған. Нәтижесінде 62 адам көз жұмып, 60 адам зардап шеккен.
Португалияның азаматтық қорғанысы бұл жағдайдың үрей тудыратындығын алға тартады. Ауа райы әуе техникасының жұмысына кедергі келтіруде. Өрттің салдарынан жолдардың кейбірі әлі күнге дейін жабық. Ел билігі құрбандар саны арта түсе ме деп күдіктенуде.